Click on each photo to see who's who.
Hiiona Marae Trust
Pourāhui Reo Ora Tikanga Ora
Rangatahi Wānanga
9-11 Ākuhata 2024
Te Avananui, Hiiona Marae
He Pūrongo
He tīmatanga tēnei o ngā wānanga e maherehere ana kia aro ki ngā taonga nei:
Whakapapa I Hītori I Te Reo I Ngā Tikanga I Karakia I Kīngitanga I Mana Motuhake
Ngā Pouako Matua
Ko te wānanga tuatahi o ngā rangatahi nei, kua ea. Me kī, kua tutuki ngā whāinga matua o te whanaungatanga, te kaitiakitanga me te kotahitanga i tā rātou whai tahi i te reo me ngā tikanga kia ora ai te mana motuhake i te pā nei, waihoki i te hapū whānui o Pourāhui. Kua mārama hoki rātou hei tōna wā ka riro i a rātou ngā mahi whakahaere, ngā mahi whakarauora i te reo me ngā tikanga hei painga mō ngā uri whakatupu e heke mai nei, e heke mai nei. Kua tau te ngākau ki te hiakai me te pitomata o ngā uri i tae-aa-tinana mai, i tae hoki nā te ipurangi, ā, e hīkaka ana te wairua ki ngā wānanga atu e tū mai nei…
Te mutunga iho, kei te kapu o te ringa o Ngāti Pourāhui te oranga mō Ngāti Pourāhui. Kei ā koe, kei ahau, kei tēnā me tēnā ngā pūkenga me ngā mātauranga e rewa ake ai, e whakatairanga ake ai te hapū…
Raegan Gwynn
“Kātahi te taonga tūturu, te taonga whakahirahira, ko te wānanga nei - taku manawa reka, taku ngākau nui, taku tino hiakai ki te reo me te hokihoki mai ki taku papakāinga nei ako tonu ai..."
Kylie Paekau
“Nā te hononga ki taku ūkaipō, te whanaungatanga, te kotahitanga me te mahitahi, i piki ake tōku hauora, i tahu ai tōku ngākau nui ki te ako tonu i te reo me ngā tikanga...”
Whaea Ngaringi
Rodney
Heni-Lee Morgan
“Nōku te whiwhi ki ēnei akoranga tuku iho, te wānanga ki tōku whenua tupu, ki tōku tūrangawaewae i raro i te korowai o Ngāti Pouraahui…”
Te Wheturangi Walker
“Ka mihi rā te ngākau ki te aroha, te tohungatanga me te kaha o ngā pouako e kawea ana i ngā wānanga nei mō tātou ko ngā uri rangatahi nei o tō tātou tupuna wahine, a Pourāhui..."
Tūkaharoa Katipa-Martin
“He tirohanga anamata ngēnei wānanga mō tātou ngā uri
rangatahi nei o Pourāhui,
kia tupu, kia puāwai tātou me
ā taatou tamariki kia tūkaha
ngā whakatupuranga o āpōpō...”
Te Awarahi Whanga
"Te mutunga kē mai o te pai o ngā hua i puta mai i te wānanga, ngā kōrero tuku iho, ngā wānanga reo i kōrerohia ngaa kōrero tuku iho mai i ngā mātua tūpuna tae noa ki ngā kai hei kai mā tātou, kua ea, kua tutuki..."
